Ano nga ba ang sinasabi ng resulta ng ratings survey na ito noong 1973?

Ayon dito, sa telebisyon noon, ang pinakamainit na kalaban ni Nora Aunor ay hindi kapwa artista kundi isang institusyon--basketball, nasa ilalim ng MICAA noon, at PBA nang lumaon.

Sa isang survey ng pinakasikat na artistang babae noong 1973, lumabas na paborito si Nora Aunor ng 60 porsiyento ng kababaihan sa Pilipinas; nahati sa ibang artistang babae ang natirang 40 porsiyento. Tumutugma ito sa TV ratings noon (nasa 50 porsiyento ang share ng bawat show ni Nora Aunor). Nanguna sa lahat, maliban sa basketball, ang dalawang shows na nagtatampok sa Superstar. Mapapansin na may mga laban din ng basketball na tinalo ng Superstar at Nora Cinderella.

Ang kontrol sa kung ano ang panonoorin sa TV, kung gayon, ay labanan sa pagitan ng kababaihan at kalalakihan. Siyempre, sa shows ni Nora Aunor ang malaking bulto ng kababaihan at sa basketball ang kalalakihan.

Dumating ang panahon na lumipat ng channel ang basketball at nag-aabot ang time slot ng Superstar at PBA. Maraming Noranian ang may ganitong kuwento: kung paano makipag-agawan sa TV sa oras ng Superstar at basketball. Ang PBA ang tanging may kakayahang tumapat sa show ni Nora. Bihira pa noon ang bahay na may higit sa isang telebisyon; ang panonood ng TV noon ay aktibibad pang pinagsasaluhan ng magkakapitbahay. Labanan ito kung sino ang masusunod sa tahanan: ang tatay o ang nanay? Dahil matriyarkal ang lipunang Filipino, hindi kataka-takang hindi nadehado ang mga lola, nanay, at ate. Gusto n'yo ba magmaktol si Nanay at hindi magluto?

Nahahati ngayon sa Kapamilya at Kapuso ang TV viewers. Pero noong dekada ’70, malinaw sa resulta ng ratings survey, isa lang ang higante—ang RPN. Malayo-malayong rito ang ibang network.

Marahil kung hindi ipinasara ni Marcos ang ABS-CBN, nagkaroon ng mahigpit na kakumpitensiya ang RPN. Ang ABS-CBN, ang pioneer sa industriya ng telebisyon sa Pilipinas, ay may reputasyon ng maayos at propesyonal na pamamalakad. Pero nasa RPN si Nora Aunor, at nang panahong iyon, si Nora ang susi sa puso ng bayan. Kung nasaan si Nora, naroon ang sambayanan.

Kinikilala ang mahalagang papel ni Nora Aunor sa pag-angat ng noo’y bagong network pa lamang, ang KBS/RPN, na namayani sa loob ng maraming taon. Sa kainitan ng Martial Law, biruan noon, ang RPN ang network na hindi kayang ipasara ni Marcos--maliban kung gusto niyang magrebolusyon ang fans ni Nora Aunor.

 


Comments

fil-am
09/25/2008 05:03

THERE
IS NO DOUBT
ABOUT PHENOMENAL
POPULARITY AND ARTISTRY
OF SUPERSTAR NORA AUNOR

BUT

MORE FOCUS HAS TO BE
ON THE PRESENT ESPECIALLY
THAT MS AUNOR IS ONCE AGAIN
BOUNCING BACK AT LEAST HERE IN THE United States of America. Her loyal fans should get themselves organized to patronize her projects- CDs, VCDs,
CONCERTS, and hopefully her coming
movies.

Reply
Nestor
11/15/2008 07:52

Mahalaga po ang pag-aaral ng kasaysayan upang higit nating maunawaan ang kasalukuyan at hinaharap.

Reply
ergtthygjhyhhjyhhjy
05/13/2009 10:20

wow.. channel 9 RPN ...SOLID!

Reply
Jorge Demafeliz
07/28/2009 21:23

Nakakalungkot lang, na hindi inalagaan ng RPN 9 ang kanilang pundasyon bilang nangungunang TV network kahit pa bumalik sa paligsahan ang ABS CBN.

Hawak pa rin nila noon ang pinakamalalaking bituin sa pangunguna ni Nora Aunor, Dolphy, Alma Moreno, Nida Blanca, TVJ kundi lamang sa maling pamamalakad ng pangungurakot.

Superstar Show indeed made RPN 9 the number 1TV station of 70's until late 80's

Reply

Comments are closed.